Wednesday, September 26, 2012

৭৯ লৈ ওভোতনি যাত্ৰা-৯

চিত্ৰঃ অসম আন্দোলনৰ এটা দৃশ্য [সংগ্ৰহঃ ইণ্টাৰনেট]
অসম আন্দোলন এটা সংগঠনে আৰম্ভ কৰা অন্দোলন নাছিল। সেই সময়ত প্ৰতিজন অসমীয়াই এই আন্দোলনৰ প্ৰয়োজনীয়তা অনুভৱ কৰিছিল আৰু সেই বাবেই বিভিন্ন দল-সংগঠনৰ প্ৰচেষ্টাত এই আন্দোলনে এক নতুন দিশলৈ গতি কৰিছিল। কিন্তু বহুকেইটা সংগঠনৰ নেতৃত্বত এই আন্দোলনে ফলাফলৰ দেশে ধাৱমান নহব বুলি চিন্তা কৰিয়েই ১৯৭৯ চনৰ জুনমাহৰ প্ৰথম ভাগৰপৰা সদৌ অসম ছাত্ৰ সন্থাক আন্দোলনৰ কেন্দ্ৰীয় নেতৃত্ব হিচাপে স্বীকৃতি দিয়া হৈছিল।

আচলতে প্ৰথমতে আন্দোলনটোক এক 'অৰাজনৈতিক' আৰু 'সামাজিক' ৰেহৰূপ দিয়াৰ বাবেহে ছাত্ৰ সন্থাক নেতৃত্বত প্ৰতিষ্ঠা কৰা হৈছিল বুলি ভাবিব পাৰি। কিয়নো, আন্দোলনৰ সাংবিধানিক তাৎপৰ্য্য আৰু তাত্বিক কথাবোৰ পূৰ্ব্বঞ্চলীয় লোক পৰিষদ, জাতীয়তাবাদী দলেহে বাখ্যা কৰিছিল। অৰ্থাৎ অসম আন্দোলন যদিও প্ৰতিবাদৰ পৰাই আৰম্ভ হৈছিল, পিছৰ পৰ্যায়ত ইয়াৰ কাম-কাজ একে কূটনৈতিক তথা ৰাজনৈতিক উদ্দেশ্যৰে আগবাঢ়িছিল। ফলাফল যিয়েই নহওক, আন্দোলনৰ কাম-কাজ কেৱল যে আৱেগৰে চলা নাছিল এই কথাই তাক প্ৰমাণ কৰে।

অসমত নতুনকৈ যদি ৭৯ ৰ অসম আন্দোলনৰ ফলাফল বিচৰা নাযায়, তেন্তে সচেতন জ্যেষ্ঠ মহলে এই কথাবোৰ মন দিয়াটো যথেষ্ট গুৰুত্বপূৰ্ণ বুলি বিবেচিত হব।

[সমল পুথি: অসম আন্দোলনঃ প্ৰতিশ্ৰুতি আৰু ফলশ্ৰুতি, পৃ.ট]