নাট্যপ্ৰভাকৰ অচ্যুত লহকৰকৈ শ্ৰদ্ধাঞ্জলি

সাধাৰণ ঘৰৰ লৰা আছিল তেওঁ৷ কিন্তু নিজৰ প্ৰতিভা আৰু সাধনাৰ বলত ভোটাতৰা হৈছিলগৈ এদিন৷ তেওঁৰ পৰা অসম আৰু অসমীয়াই লাভ কৰিছিল অসমৰ আটাইতকৈ জনপ্ৰিয় নাট্যসংস্কৃতিৰ ৰূপ ভ্ৰাম্যমান থিয়েটাৰ৷ সেই ভ্ৰাম্যমান থিয়েটাৰৰ জনক অচ্যুত লহকৰ আৰু নাই৷ ৮৫ বছৰ বয়সত তেওঁ ইহ সংসাৰ ত্যাগ কৰে৷ তেওঁৰ বিদেহী আত্মাৰ সদ্গতি কামনা কৰিছোঁ৷ 

অসমৰ বাবে গোটেই জীৱন কটোৱা এই মহান ব্যক্তিগৰাকীৰ মৃত্যুত চৰকাৰৰ ফালৰ পৰা কোনো ব্যৱস্থা কিন্তু লোৱা হোৱা নাই৷ জীৱিত কালতো চৰকাৰীভাৱে সকলো সন্মান, সা-সুবিধাৰ পৰা বঞ্চিত এই মহান ব্যক্তিগৰাকীক মৰোনত্তৰভাৱে নাট্যকলাৰ সৰ্বোচ্চ সন্মান যাঁচিবলৈ আমি চৰকাৰৰ ওচৰত নিবেদন কৰিছোঁ৷

[  ৰচনাকালঃ ১২ জুন, ২০১৬]