Wednesday, January 29, 2014

ফৰিঙৰ ৰেচিপি


ফৰিঙৰ ৰেচিপি বুলি বহুতেই চাগৈ নাক কোচাব৷ কিন্তু ফৰিঙৰ ৰেচিপি হল আটাইতকৈ সহজে প্ৰস্তুত কৰিব পৰা এক সুস্বাদু ৰেচিপি৷ অসমৰ ভালেমান জনজাতীয় অঞ্চলত এই খাদ্য জনপ্ৰিয়৷ আহকচোন, বিহুৰ বতৰত ফৰিঙৰ সুস্বাদু সম্ভাৰ এখন কেনেকৈ সজাব পাৰি তাকেই চাওঁ৷

প্ৰয়োজনীয় সামগ্ৰীসমূহঃ চাৰিটা তজবজীয়া জপিয়াই ফুৰা নোদোকা ফৰিং, মজলীয়া আকাৰৰ পিয়াজ দুটা, কেচাঁ জলকীয়া দুটা বা ৰুচিমতে, নিমখ আধা চামুচ, কলাখাৰ অকনমান, দুটা জালুক৷

প্ৰস্তুত প্ৰণালীঃ প্ৰথমতে পিয়াজখিনি ভালকৈ ধুই দীঘলীয়াকৈ সৰু সৰু আকাৰত কাটক৷ জালুক দুটা ভালকৈ গুৰি কৰক৷ জলকীয়া এটা বটি দিয়ক আৰু আনটো সৰু সৰুকৈ কাটকএতিয়া এই গোটেইখিনি মিহলাই বাতি এটাত ৰাখক৷ ফৰিংকেইটা আনি আটাইকেইটাৰ ঠেং কেইখন কাটি দিয়ক৷ পাখিকেইখন ভালকৈ কাটক৷ শুংকেইডাল কাটি ভালকৈ ধুই লওঁক৷ এতিয়া এটা এটাকৈ ফৰিং আপোনাৰ পৰিস্কাৰকৈ ধুৱা কাষলতিৰ তলত লৈ পাঁচ মিনিটমানকৈ ৰাখক৷ এবাৰ ৰখাৰ পিছত উলিয়াই আনি অকনমান কোমল হৈছে নেকি চাওঁক৷ অন্যথা আকৌ পাঁচ মিনিটমান ৰাখক৷ মনত ৰাখিব, আকাৰ অনুযায়ী প্ৰতিটো ফৰিং পাচঁৰপৰা পোন্ধৰ মিনিটলৈকে ৰাখিব লাগিব৷ এইদৰে প্ৰতিটো ফৰিং সিজাই লৈ প্লেট এখনত ৰাখক৷ আজিকালি কাষলতি তলত দিয়াৰ পৰিৱৰ্তে বহুতে জুইৰ ব্যৱহাৰ কৰাও দেখা যায় যদিও প্ৰকৃত থলুৱা সোৱাদৰ বাবে কাষলতিৰ তল ব্যৱহাৰ কৰাটো উপযোগী বুলি আমি ভাবোঁ৷

পৰিবেশনঃ ফৰিংকেইটা প্লেটখনত চাৰিওপিনে সজাই পিয়াজ মছলাৰ মিক্সাৰখিনি তাৰ ওপৰত ভালকৈ লগাকৈ লেপি দিয়ক৷ আপোনাৰ ফৰিঙৰ ৰেচিপি সাজু৷

[ৰচনাকালঃ  ১৩ জানুৱাৰী, ২০১৪]