সময় এতিয়া বৰ ব্যস্ত !
মৃত্যু উপত্যকাত।
হৃদয়ৰ জয়যাত্ৰা কৰিবলৈ
সময়ৰ অভাৱ সময়ৰ !
সময় আগবাঢ়িছে
এটি সশব্দ প্ৰেমৰ উন্মাদনাত
য’ত আন এটি নিশব্দ সপোন
ধূলিস্যাত কল্পনা
সময়ে বিচাৰিছে
প্ৰয়োজনীয়তাবোধৰ এক অভেদ্য দূৰ্গ
যি ম্লান মুখৰ উজ্জ্বল হাঁহিৰ
প্ৰজ্জ্বলিত চকুলোৰে আবৃত।
সময় এতিয়া নিমগ্ন !
আবেগ নিষ্পেষণত।
স্মৃতিৰ চাকি নুমুৱাবলৈ
সময়ৰ অভাৱ, সময়ৰ !
সময় কলুষিত
অতীত, প্ৰেমৰ এটি মোক্ষম আঘাতত
যাৰ ভবিষ্যতেই দাহ্য ধূসৰিত বৰ্তমানত
সময় এতিয়া বিকল্প !
সময়ৰ পৰিত্ৰাণৰ।
মান-অভিমানৰ পুখুৰী সিঁচিবলৈ
সময়ৰ অভাৱ সময়ৰ !
অভাৱ সময়ৰ !!!
এটি প্ৰস্ফুতিত ৰাঙলী সময়ৰ।।
[ৰচনাকালঃ ০৯/১০/২০০৪]
No comments:
Post a Comment